Protettori poderosu
De Sardigna speziali

Rit.: Liberainosi de mali

Efis martiri gloriosu.

No cuntent'a custas penas
Cussu iniquu Presidenti
Cun puntas de ferru callenti
Si raschiat nerbius e venas
Cun respiru essendo apenas
Su corpu bosu diciosu.

In Elia Nascieis
Accanta de Antiochia
E donau a idolatria
Finzas a trint' annus biveis
A su tempus, chi moveis
Contra Sardigna orgogliosu.

Su sucessori Flavianu
Pustis de setti turmentos
Inumanos e sagrientus
Si cundennat pro Cristianu
E bosu allirgu e uffanu
Abbrazzais sa morti diciosu.

A su imperiu Soberanu
A su tronu, raju e luxi
Bieis in s'aria una cruxi
E un atera in sa manu
Aturdiu a bonu mengianu,
Parteis meda paurosu.

Custu barbaru inflammau
A vista de tanti passienzia
Si fulminat sa sentenzia
D'essi in Nora degogliau
E de su Xelu animau
Offreis su zugu preziosu.

Isciendi s'Imperadori
Custa santa mutazioni
Iscrit a si ponni in presoi
Cun ira, rabbia e furori,
Ma s'Angelu de su Signori
Si visitat quidanosu.

Sa devota cavalleria
Si acclamada protettori
chi siais intercessori
Luxi santa e segura via
Pregheis Deus e Maria
Po su celesti riposu.

Giuliu iniquu Presidenti
Cumandat chi a bastonadas
In palas bostas sagradas
Si seghint incontinenti
E postu in mesu a sa genti
Siais oggettu bregungiosu.

De Casteddu Appassionau
Sempri siais difensori
Sighei a essiri intercessori
Efis martiri sagrau